ՀՀ ԱԳ նախարարը և Ֆրանկոֆոնիայի գլխավոր քարտուղարը քննարկել են համագործակցության հարցեր

Tert.am-ը գրում է.

Աշխատանքային այցով Փարիզում գտնվող արտաքին գործերի նախարար Էդվարդ Նալբանդյանն այսօր հանդիպել է Ֆրանկոֆոնիայի միջազգային կազմակերպության գլխավոր քարտուղար Միկաել Ժանին:

Այս մասին հայտնում են ՀՀ ԱԳՆ լրատվական ծառայությունից։ 

Զրուցակիցները քննարկել են Ֆրանկոֆոնիայի միջազգային կազմակերպության գործունեությանն առնչվող հարցեր։ Մտքեր են փոխանակվել այս տարվա վերջին Անտանանարիվուում նախատեսվող ՖՄԿ գագաթաժողովի նախապատրաստման և օրակարգի հարցերի շուրջ։ Այս համատեքստում անդրադարձ է արվել Ֆրանկոֆոնիայի միջազգային կազմակերպությունում Հայաստանի ակտիվ ներգրավվածությանը։