Բունդեսթագը ցեղասպանություն է ճանաչել օսմանյան զավթիչների կողմից հայերի կոտորածները. Euronews–ի անդրադարձը
18:44 , 2 հունիս, 2016
Tert.am-ը գրում է.Գերմանիայի Բունդեսթագը պատմական քվեարկությամբ ցեղասպանություն է ճանաչել 1915 թվականին օսմանյան զավթիչների կողմից հայերի կոտորածները, գրում է Euronews-ը:
Խորհրդարանականների գերակշիռ մեծամասնությունը քվեարկել է բանաձևի օգտին, եղել է միայն մեկ ձեռնպահ և մեկ դեմ ձայն:
Թուրքիան դեմ է արտահայտվել բանաձևին:Նախագահ Ռեջեփ Թայիփ Էրդողանը և վարչապետ Բինալի Յըլդըրըմը հայտարարել են, որ այն կարող է փչացնել երկու երկրների միջև հարաբերությունները:
Բանաձևը բացասական արձագանք է առաջացրել Գերմանիայի մեծ թուրքական համայնքում անգամ քվեարկությունից առաջ: Շատ խորհրդարանականներ հաղորդել են, որ սպառնալիքներ և վիրավորական էլեկտրոնային նամակներ են ստացել:
Լրատվամիջոցը հաղորդում է, որ Գերմանիայի կանաչների կուսակցության առաջնորդ Ջեմ Օզդեմիրը, ով թուրքական ծագում ունի, քվեարկել է բանաձևի օգտին: