101 տարի առաջ հայերի հետ կատարվածում մեղավոր է նաև Գերմանիան. Բունդեսթագի նախագահ

Tert.am-ը գրում է.

Գերմանիայի Բունդեսթագում Հայոց ցեղասպանության մասին բանաձևի քննարկմանըներկա են Գերմանիայում Հայաստանի և Թուրքիայի դեսպանություններից ներկայացուցիչներ։

Բունդեսթագի նախագահ Նորբերտ Լամմերտը քննարկման սկզբում ողջունել է նրանց։

«Խորհրդարանը պատմական հանձնաժողով չէ և ոչ էլ դատարան։ 101 տարի առաջ հայերի և քրիստոնյա մյուս փոքրամասնությունների հետ կատարվածում մեղավոր է նաև Գերմանիան»,- ասել է նա։

Գերմանիայի ընդդիմադիր «Ձախերի» կուսակցության առաջնորդ Գրեգոր Գիզին նշել է, որ 100 տարի առաջ Թուրքիայի կատարածը պետք է իր ճիշտ անունով կոչել։

«Այն, ինչ նրանք արել են հայերի, ասորիների, Պոնտոսի հույների հետ, երբ 1.5 մլն մարդ է զոհվել,այլ կերպ կոչել չենք կարող, քան ցեղասպանություն»,-ասել է նա։