Լավ կլիներ, որ Սամվել Բաբայանը քառօրյա պատերազմի ժամանակ տեղում լիներ, խորհուրդ տար, թե ինչպես թերությունները վերացնել. Վ. Բաղդասարյան

Tert.am-ը գրում է.

Սամվել Բաբայանին ճանաչում եմ որպես ռազմական գործիչ: Լրագրողների հետ զրույցում ասաց ԱԺ «Հանրապետական» խմբակցության ղեկավար Վահրամ Բաղդասարյանը՝ անդրադառնալով ԼՂ պաշտպանության նախարար Սամվել Բաբայանի կողմից հնչեցված քննադատությանը՝ 800 հեկտար կորցրած հողերը իշխանությունների կողմից ոչ մարտավարական որակելու վերաբերյալ:

«Չեմ ուսումնասիրել ելույթները, բայց տեսել եմ, տեսնում եմ միայն որպես ռազմական գործիչ, որպես քաղաքական գործիչ նրան չեմ ճանաչում: Որպես ռազմական գործիչ եմ ճանաչում նրան, ավելի լավ կլիներ, որ քառօրյա պատերազմի ժամանակ տեղում լիներ, խորհուրդ տար, թե այդ թերություններն ինչպես վերացնել»,-  նշեց Վահրամ Բաղդասարյանը: