Դարմշտադտում մոտ 30 կին հայտնել է փառատոնի ընթացքում սեռական ոտնձգությունների ենթարկվելու մասին

Tert.am-ը գրում է.

Գերմանական Դարմշտադտ քաղաքում ամենամյա երաժշտական փառատոնի ավարտին մոտ 30 կին դիմել է ոստիկանություն՝ բողոքելով սեռական ոտնձգությունների վերաբերյալ:

Ոստիկանությունը տաք հետքերով ձերբակալել է երեք կասկածյալի, հաղորդում է dpa գործակալությունը:

Ոստիկանության ներկայացուցիչ Ֆերդինանդ Դերիգսի խոսքով՝ հարձակումները տեղի են ունեցել լույս կիրակի։ Կանանց վրա հարձակվել է հարավասիացու արտաքինով տղամարդկանց մի խումբ, նրանք շրջափակել են կանանց և սեռական ոտնձգությունների ենթարկել:

Ինչպես պատմել է ոստիկանության ներկայացուցիչը, տուժածներից առաջին բողոքներն արդեն ստացվել են փառատոնի ժամանակ: Կարճ ժամանակ անց իրավապահները ձերբակալել են երեք կասկածյալի՝ Պակիստանի քաղաքացիների, որոնցից երկուսը դիմել են Գերմանիայում ապաստան ստանալու իրավունքի համար, երրորդի կարգավիճակը պարզվում է: