Նախկինում գործող 157 դրամը գազի սակագինը նախատեսվում է դարձնել 146,7 դրամ. ՀԾԿՀ անդամ

Tert.am-ը գրում է.

Վաղը Հանրային ծառայությունները կարգավորող հանձնաժողովի նիստում կքննարկվի գազի սակագնի նվազեցման հարցը և արդեն իսկ հայտնի է, որ նվազելու է. Tert.am-ի հետ զրույցում ասաց ՀԾԿՀ անդամ  Արթուր Վարդանյանը:

«Մեր կայքում արդեն իսկ տեղադրված են նախագծերը»,- ասաց նա և նշեց, որ մինչև 1000խմ/մ գազ օգտագործող սպառողների համար սահմանվելու է  146,7 դրամ, իսկ 10 000 խմ/մ-ից ավել սպառողների համար 257 դոլար:

«Նախկինում գործող 157 դրամ գազի սակագինը դառնում է 146,7 դրամ»,- ասաց նա:

Հարցին, թե դրանից բխող հոսանքի սակագնի նվազում սպասելի է, թե՝ ոչ,  ՀԾԿՀ անդամը պատասխանեց. «Մայիսի 2-ին մեր նախաձեռնությամբ սկսել ենք նաև այդ գործընթացը, մոտակա ժամանակները կունենաք վերջնական հաշվարկներ և  կտեղեկացնենք»: