Կառավարությունը մերժեց սերմնաբջիջների պահպանությունը երաշխավորող նախագիծը

Araratnews.am-ը գրում է.

ՀՀ Կառավարության այսօրվա նիստի ժամանակ մերժեց ԱԺ  պատգամավոր Թևան Պողոսյանի ներկայացրած նախագիծը, որով առաջարկվում է, որ պետությունը երաշխավորում է 18 տարին լրացած պարտադիր զինվորական ծառայության զինակոչվող քաղաքացիների սերմնաբջիջների պահպանությունը՝ այդ նպատակով ստեղծված համապատասխան սերմնաբջիջների պահպանության բանկում:

Կառավարությունը մերժեց նախագիծը` հիմնավորելով, թե սերմնաբջիջների պահպանության բանկի գործունեության, ֆինանսավորման և կարգավիճակի հետ կապված հարաբերությունները հակասում են «Իրավական ակտերի մասին» Հայաստանի Հանրապետության օրենքի 37-րդ հոդվածի 7-րդ մասի պահանջներին: