Ղրիմի խոշոր քաղաքները հոսանքազրկվել են

17:57 , 20 մայիս, 2016

Ղրիմի մի շարք խոշոր քաղաքներ հոսանքազրկվել են անհայտ պատճառներով, Ռիա Նովոստիի փոխանցմամբ` հայտարարել է Սևաստոպոլի նահանգապետ Սերգեյ Մենյայլոն:

Հոսանքազրկված քաղաքների թվում են Սևաստոպոլը, Սիմֆերոպոլը, Յալթան, Թեոդոսիան: Պետական և մասնավոր հիմնարկները աշխատանքը շարունակել են դիզելային գեներատորների օգնությամբ: Բջջային կապն աշխատում է ընդհատումներով:

Ռուսաստանի էներգետիկայի նախարար Ալեքսանդր Նովակը հայտարարել է, որ Ղրիմում էլեկտրամատակարարումը շուտով կվերականգնվի: Նշենք, որ Ռուսաստանին Ղրիմի միանալուց հետո ուկրաինական էլցանցերը դադարեցրել են թերակղզու էլեկտրամատակարարումը, ինչից հետո ռուսական կողմը ստիպված է եղել նոր էլեկտրակամուրջ կառուցել: