ԻՊ-ը մահապատժի է ենթարկել լրտեսներին ծծմբաթվով լի ավազանի մեջ

Araratnews.am-ը գրում է.

Իրաքում «Իսլամական պետություն» ահաբեկչական խմբավորման անդամները մահապատժի են ենթարկել լրտեսության մեջ մեղադրվող իրենց զինակիցներին` վերջիններիս նետելով ազոտական ծծմբաթվով լի ավազանի մեջ, հայտնում է Lenta.ru-ն:

Իրաքի կառավարության և գաղտնի ծառայությունների օգտին լրտեսության մեջ մեղադրվել է 25 տղամարդ: Նրանց այդպիսի դաժան ճանապարհով մահապատժի են ենթարկել Մոսուլ քաղաքում: Տղամարդկանց պարաններով կապել են իրար և նետել ծծմբաթվով լի ավազանի մեջ:

Նշվում է, որ մայիսի 11-ին Իրաքում իսլամիստները ողջ-ողջ թաղել են իրենց 35 նախկին կողմնակիցներին, ովքեր մեղադրվել են դասալքության մեջ, իսկ մայիսի 10-ին էլ ահաբեկիչները կենդանի այրել են մի ընտանիքի: