Վիեննայում ձեռք բերված պայմանավորվածությունները պետք է վերջ դնեն ԼՂ-ում ճգնաժամին. ՌԴ պետդումայի հանձնաժողովի ղեկավար

Tert.am-ը գրում է.

Վիեննայում Հայաստանի և Ադրբեջանի նախագահների ձեռք բերած պայմանավորվածությունները պետք է վերջ դնեն Լեռնային Ղարաբաղում «ապրիլյան ճգնաժամին» և այդ իրավիճակի վերջնական լուծման մոդել դառնան, կարծում է ՌԴ պետդումայի ԱՊՀ հարցերով հանձնաժողովի ղեկավար Լեոնիդ Սլուցկին, գրում է РИА Новости-ն:

«Հայաստանի և Ադրբեջանի նախագահների պայմանավորվածությունները, որոնք ձեռք են բերվել նախօրեին Վիեննայում, պետք է վերջ դնեն այսպես կոչված՝ «ապրիլյան ճգնաժամին» և սահմանին իրավիճակի սրմանը: Դա չափազանց կարևոր է՝ հաշվի առնելով, որ հակամարտությունը շարունակում է մնալ չմարող վիճակում, արնահոսել և կյանքեր խլել»,- գործակալությանն ասել է Սլուցկին:

«Սա այն խնդիրն է, որը մենք իրավունք չունենք թողնել հետագա սերնդին»,- ընդգծել է խորհրդարանականը: 

Հիշեցնենք, որ Վիեննայում մայիսի 16-ի երեկոյան Հայաստանի Հանրապետության Նախագահ Սերժ Սարգսյանը և Ադրբեջանի Հանրապետության նախագահ Իլհամ Ալիևըմասնակցել են ԵԱՀԿ Մինսկի խմբի համանախագահող երկրների արտաքին գործերի նախարարների նախաձեռնությամբ և մասնակցությամբ տեղի ունեցած քննարկմանը:

Հանդիպմանը մասնակցել են երկու երկրների արտաքին գործերի նախարարներ Էդվարդ Նալբանդյանը և Էլմար Մամեդյարովը, դեսպաններ Իգոր Պոպովը (Ռուսաստան), Ջեյմս Ուորլիքը (ԱՄՆ), Պիեռ Անդրիոն (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկը: