Վրաստանում ՀՀ դեսպանը շեշտել է միջադեպի արդարացի լուծման անհրաժեշտությունը

Panorama.am-ը գրում է.

Նմանատիպ միջադեպերը չպետք է ստվերեն հայ-վրացական դարավոր բարեկամությունը: Այս մասին հայտարարել է Վրաստանում Հայաստանի դեսպան Յուրի Վարդանյանը Ախալցխայի դեպքերի խնդրով Սամցխե-Ջավախքի նահանգապետ Ակակի Մաչուտաձեի հետ հանդիպման ժամանակ:

Նահանգապետը խոստացել է իր ուշադրության կենտրոնում պահել հարցն ու հետևողականորեն ամեն ինչ անել խնդրի արդարացի լուծման համար: Իր հերթին դեսպան Վարդանյանը շեշտել է միջադեպի արդարացի լուծման անհրաժեշտությունը:

Դեսպանատնից տեղեկացնում են, որ ապրիլի 23-ի լույս 24-ի գիշերը Ախալցիխեում ազգությամբ հայ և վրացի երիտասարդների միջև տեղի ունեցած տհաճ միջադեպը, ինչպես նաև դրան հաջորդած ոստիկանության գործողությունները շարունակում են մնալ Վրաստանում Հայաստանի Հանրապետության դեսպանության ուշադրության կենտրոնում:

Ամբողջական հոդվածը կարող եք կարդալ այստեղ