Հանրությանն են ներկայացվել Եղիսաբեթ 2-րդ թագուհու բացառիկ լուսանկարները
18:35 , 15 մայիս, 2016
Բրիտանիայի թագուհի Եղիսաբեթ 2-րդի բացառիկ լուսանկարները առաջին անգամ հանրության սեփականությունն են դարձել նրա 90-ամյակին նվիրված տոնական համերգի նախօրեին՝ գրում է Telegraph-ը: Լուսանկարները վերցվել են արխիվային նյութերից:
Լուսանկարներից մեկում պատկերված է երիտասարդ արքայադուստր Եղիսաբեթը քրոջ՝ արքայադուստր Մարգարետի և նրանց հոր՝ Գեորգ 6-րդ թագավորի հետ, որոնք իրենց ձեռքերում պահում են ապագա թագուհու սիրելի վելշ-կորգի ցեղատեսակի շներին:
Մյուս լուսանկարում արքայադուստր Եղիսաբեթն ու նրա հայրը կանգնած են բաց լողավազանի ծայրին՝ մինչ լողալը:
Երրորդ լուսանկարում Եղիսաբեթն ուշադիր դիտում է իր գրկում հանգստացող թռչնին:
