Իրաքում քուրդ զինվորականների վրա հարձակվելիս ԴԱԻՇ-ը կիրառել է քիմիական զենք

ԴԱԻՇ ահաբեկչական խմբավորումն Իրաքյան Քուրդիստանում քրդական ռազմական միավորումների վրա հարձակման ժամանակ կիրառել է քիմիական զենք, տուժել է 14 մարդ, հայտնում է Rudaw գործակալությունը՝ հղում կատարելով զինվորականներին:

Գվեր-Մահմուր տեղամասի հրամանատար Սիրվան Բարզանի խոսքերով՝ զինյալները հարձակվել են շաբաթ երեկոյան, և թունավոր գազը բաց թողնելու համար օգտագործել են ծանր զենք:

«Պեշմերգի տուժած զինվորականների վիճակը կայուն է: Քրդերի կողմից անցկացված հակահարձակումից հետո ճակատամարտի տարածքում իրավիճակը կայունացել է»,- Բարզանիի խոսքերն է մեջբերում գործակալությունը: