Բանգլադեշում 50 մարդ է զոհվել կայծակնահարումից
06:55 , 15 մայիս, 2016
Tert.am–ը գրում է.
Բանգլադեշում վերջին երկու օրում 50 մարդ է մահացել կայծակի հետևանքով: Այս մասին հայտնում է BBC-ն` մեջբերելով ոստիկանության տվյալները:
Մահացածների թվում մեծամասնությունը ֆերմերներ են եղել, ովքեր իրենց բրնձի դաշտերում աշխատելիս են եղել շանթահարման պահին:
Բանգլադեշում հաճախակի են կայծակներով ուղեկցվող փոթորիկները, սակայն այս տարի դրանք շատ ավելի դաժան են:
Փորձագետները նշում են, որ կայծակնահարման գլխավոր գործոններն են ջերմաստիճանի ընդհանուր բարձրացումն ու անտառահատումները:
Զոհեր են գրանցվել նաև մայրաքաղաք Դաքքայում, որտեղ ուսանողներ են կայծակնահարվել ֆուտբոլ խաղալիս և մանգո հավաքելիս:
Մարտից ի վեր շուրջ 90 մարդ է զոհվել կայծակնահարումից, մինչդեռ ողջ 2015-ին այդ ցուցանիշը կազմել էր 51 մարդ: