Խմբակային հեծանվավազքում Հայաստանի չեմպիոն դարձավ Մհեր Մկրտչյանը

Tert.am-ը գրում է.

Հեծանվավազքի խճուղու Հայաստանի առաջնության մրցումային երկրորդ օրը մարզիկները մրցեցին 119 կմ խմբակային մրցավազքում,- տեղեկացնում է ՀԱՕԿ-ի պաշտոնական կայքը:

Մեծահասակների պայքարում հաղթող ճանաչվեց Մհեր Մկրտչյանը: Արծաթե եւ բրոնզե մեդալներ նվաճեցին Դավիթ Մկրտչյանը եւ Էդգար Սարգսյանը: Երիտասարդների մրցավազքում լավագույն արդյունք գրանցեց Պավել Ստեփանյանը, իսկ նրան հաջորդեցին Ռոբերտ Խաչատրյանը եւ Վալոդյա Ջուլակյանը: 

Մայիսի 14-ին պատանիների խմբակային մրցավազքն է, իսկ մրցումների վերջին օրը՝ մայիսի 15-ին, կլինի կրիտերիում ձեւը: