Աճուրդի կհանվի Մերիլին Մոնրոյի՝ բժշկին գրված նամակը մահվանից մեկ տարի առաջ

Լոս Անջելեսում տեղի կունենա Մերիլին Մոնրոյի անձնական իրերի աճուրդը, որտեղ կցուցադրվի ընդամենը 500 լոտ, այդ թվում՝ դերասանուհու նամակն իր հոգեբանին, հայտնում է People-ը:

Աճուրդում հիմնականում կլինեն այն իրերը, որոնք Մերիլինը կտակել է դերասանական վարպետության իր ուսուցիչ Լի Ստրասբերգին:

Հատկապես հետաքրքրություն է ներկայացնում Մերիլինի նամակն իր անձնական հոգեբույժ, բժիշկ Ռալֆ Գրինսոնին: Այդ նամակում դերասանուհին մանրամասն նկարագրում է Payne-Whitney հոգեբուժարանում մարդկանց պահելու «անմարդկային պայմանները», որտեղ նա բուժվել է 1961 թվականին` մահվանից մեկ տարի առաջ:

Աճուրդը պլանավորվում է անցկացնել նոյեմբերի վերջին՝ Լոս Անջելեսում: