Ալի Աքբար Վելայաթին Դամասկոսում հանդիպել է Բաշար Ասադի հետ

Araratnews.am-ը գրում է.

Իրանական IRNA լրատվական գործակալության փոխանցմամբ՝ Իրանի գերագույն ղեկավարի՝ միջազգային հարցերով խորհրդական Ալի Աքբար Վելայաթին Դամասկոսում հանդիպել է Սիրիայի նախագահ Բաշար Ասադի հետ և հայտարարել է, որ իր երկիրը հավատարիմ է ահաբեկչության դեմ պայքարի գործին։

Նա հույս է հայտնել, որ Սիրիայի ժողովուրդն ու նախագահ Բաշար Ասադը շուտափույթ հաղթանակ կտանեն ահաբեկչության դեմ։ Վելայաթին պատմության մեջ աննախադեպ է որակել Սիրիայի կառավարության ձեռնարկած պաշտպանական ջանքերը, որոնք պետք է պսակվեն հաջողությամբ ու հաղթանակով։

Իրանցի խորհրդականը նաև ընդգծել է, որ իր երկիրը շարունակելու է պայքարն ահաբեկչության դեմ, որը սպառնում է ոչ միայն տարածաշրջանի, այլև՝ համայն աշխարհի անվտանգությանը. «Իրանը դրա համար օգտագործելու է ունեցած բոլոր հնարավորությունները»։