Հայաստանում բուսական յուղի արտադրության ծավալը նվազել է 40.6 տոկոսով

Հայաստանում բուսական յուղի արտադրության ծավալը 2016 թվականի հունվար-մարտին նախորդ տարվա նույն ժամանակահատվածի համեմատ նվազել է 40.6  տոկոսով, իսկ կենդանական յուղինը՝ 18 տոկոսով:

ՀՀ Ազգային վիճակագրական ծառայության տվյալներով՝ այս տարվա առաջին եռամսյակում մեր երկրում արտադրվել է 284.1 տոննա բուսական յուղ՝ 2015թ-ի նույն ժամանակահատվածի 478.2 տոննայի դիմաց:

Հունվար-մարտին Հայաստանում արտադրվել է 45 տոննա կենդանական յուղ՝ նախորդ տարվա 54.9 տոննայի դիմաց: