Րաֆֆի Հովհաննիսյանի հետ համամիտ եմ. այս տարիներին իրոք քայքայումներ եղան

Մեկնաբանելով նախագահի թեկնածու Րաֆֆի Հովհաննիսյանի նախընտրական տեսահոլովակում տարբեր ոլորտների առնչությամբ հնչած քննադատությունները՝ ՀՀԿ մամուլի խոսնակ Էդուարդ Շարմազանովը նշել է.

«Նախագահի թեկնածու Րաֆֆի Հովհաննիսյանը հերթական տարօրինակ ու իրականությունից հեռու հայտարարությունն է արել: Ինչպես հայտնի «Միմինո» ֆիլմի հերոսն էր ասում՝ «Сначала подумай, потом говори!»: Այս պահին միայն կանդրադառնամ Րաֆֆի Հովհաննիսյանի՝ կրթական համակարգի վերաբերյալ հնչեցրած քննադատությանը և նախագահի թեկնածուին հիշեցնեմ, որ նրա գլխավորած «Ժառանգություն» կուսակցությունը, վերջին տարիներին, գրեթե մշտապես ոչ միայն կողմ է քվեարկել կրթական բարեփոխումներին ուղղված օրինագծերին, այլ հրապարակայնորեն պաշտպանել կրթական ոլորտում իրականացվող բարեփոխումները: Րաֆֆի Հովհաննիսյանի հետ մի հարցում համաձայն եմ, իսկապես որ, այս տարիների ընթացքում քայքայումներ եղան. ափսոսանքով պետք է նշեմ, որ քայքայվեց «Ժառանգություն» խմբակցությունը»: