Ով կպարտվի հայ-ադրբեջանական պատերազմում
23:28 , 1 մայիս, 2016
• Հայկական «Ֆեյսբուքում» տարբեր թեմատիկ գրառումների տակ կարդում եմ հայ օգտատերերի բողոքալից մեկնաբանություններ՝ «ինչի՞ մեկընդմիշտ չեք լռեցնում/ինչի՞ իրենց գյուղերին չեք խփում/ինչի՞ առաջ չեք գնում/ինչի՞ նավթամուղին չեք խփում» և, իհարկե, այս ժանրի դասական միտքը՝ «ինչի՞ միանգամից Բաքվին չեք խփում, ջրի տակ անցնեն շները»։• Հետո նայում եմ հերոս Քյարամ Սլոյանի դին խոշտանգած ռազմական հանցագործին պատկերող վիդեոն ու նկատում, թե ինչպիսի զարմացական արհամարհանքով է վերջինս ասում՝ «ՌՊԳ ուներ է՜ օռաշը», ինչից զգացվում է, որ սույն հանցագործն ակնկալում էր, որ հայկական դիրքերում իրենք պիտի դիմադրություն չհանդիպեն, իսկ հայ դիրքապահներն էլ պիտի զինված լինեն առավելագույնը փայտերով։
• Երկու երկրներում էլ կա աղճատված պատկերացում հակառակ կողմի իրական ուժի մասին։ Ու ի վերջո կպարտվի այն կողմը, որն ավելի վատ կճանաչի դիմացինին ու ավելի շատ կթերագնահատի վերջինիս։