Ծանրամարտի տղամարդկանց և կանանց հավաքականները մեդալների ավարով վերադարձան հայրենիք

15:20 , 18 ապրիլ, 2016
Հայաստանի ծանրամարտի տղամարդկանց և կանանց հավաքականները մեդալների ավարով վերադարձան հայրենիք: Եվրոպայի առաջնության չեմպիոններին և մեդալակիրներին դափնեպսակներով են դիմավորել «Զվարթնոց» օդանավակայանում, շնորհավորել և մաղթել նորանոր հաջողություններ գալիք օլիմպիական խաղերում: Մարզիկները կիսվել են տպավորություններով` չմոռանալով նշել, որ հաղթել են առաջին հերթին հանուն հայրենիքի ընկած և կռվող զինվորների: