Ես համոզված եմ, որ ամեն անգամ հերթական զոհված տղու նկարը տեսնելիս ամեն նորմալ հայ մեղքի զգացում է ապրում
03:50 , 12 ապրիլ, 2016
Ես համոզված եմ, որ ամեն անգամ հերթական զոհված տղու նկարը տեսնելիս ամեն նորմալ հայ մեղքի զգացում է ապրում։ Ամեն մեկս իր մասով։ Սկսած ուղևորին 200 դրամ խաբող տաքսու վարորդից մինչև բյուջեից մի քանի միլիոն գրպանը դնող ամենաբարձրաստիճան պաշտոնյան։Որովհետև ամեն մեկիս փոքր ու մեծ սխալների պատճառով է, որ մենք էսօր էն երկիրը չենք, որը պիտի լինեինք։ Եթե լինեինք, ազերի մտքով չէր անցնի էսպիսի քայլի գնար։
Ու թող ամեն մեկս սրանից հետո երկրին ի վնաս ցանկացած բան անելուց առաջ հիշի էս տղերքի դեմքերը։ Իրանց մենք ենք «սպանել»՝ ամեն մեկս մեր տեղում մեզնից հասանելիքը չանելով, սխալ անելով, կամ վատ անելով։