Բրյուսելում ահաբեկիչներն ուսումնասիրել են ԱՄՆ-ի դեսպանատան և Բելգիայի վարչապետի նստավայրի մատույցները

168.am-ը գրում է.

Բրյուսելյան ահաբեկիչները ուսումնասիրել են ԱՄՆ-ի դեսպանատան եւ Բելգիայի վարչապետի նստավայրի մատույցները: Այդ մասին տեղեկացնում է RTL հեռուստաալիքը:

«Սկարբեկի Մաքս Ռոս փողոցում ահաբեկիչների բնակարանում հայտնաբերված նոութբուքում տեղեկատվություն է եղել ԱՄՆ-ի դեսպանատան եւ Բելգիայի վարչապետի նստավայրի մասին»,- նշել է հեռուստաալիքը:

Նրա տեղեկությունների համաձայն՝ ծայրահեղականների համակարգչի պարունակած տվյալների վերծանման գործում բելգիական ոստիկանությանն օգնություն են ցուցաբերում ԱՄՆ-ի Հետաքննությունների դաշնային բյուրոյի մասնագետները, հաղորդել է ՏԱՍՍ-ը: