Հատուկ գործողություն արդյունքում Ադրբեջանում ավելի քան 50 մարդ է ձերբակալվել
23:12 , 28 մարտ, 2016
Araratnews.am-ը գրում է.
Ադրբեջանի Գախի շրջանի իրավապահ մարմինները նախօրեին հատուկ գործողության ընթացքում ձերբակալել են 58 մարդու, որոնց մեղադրում են կրոնական հավաքներ կազմակերպելու եւ կրոնական գրականություն տարածելու մեջ:
Trend-ի փոխանցմամբ՝ Գախի շրջանի բնակիչ Գիվի Հուսիշվիլիի տանը ապօրինի հավաքներ են անցկացրել կրոնական աղանդի հետեւորդները, որի գործունեությունն արգելված է օրենքով:
Ձերբակալվածների թվում կա Գախի 44, Զաքաթալլիի 9 եւ Բաքվի 5 բնակիչ:
Տանը, որտեղ հավաքներ են կազմակերպվել, խուզարկության ժամանակ հայտնաբերվել է 19 DVD սկավառակ, 212 կրոնական գիրք, որոնք հաշվառված չեն եղել Ադրբեջանի հոգեւոր կրթության պետական հանձնաժողովի կողմից: