Իսրայելը քաղաքացիներին կոչ է անում հեռանալ Թուրքիայից

Tert.am-ը գրում է.

Իսրայելն իր քաղաքացիներին կոչ է անում հեռանալ Թուրքիայից. հայտնում է թուրքական Habertürk-ը:

Պարբերականի հաղորդմամբ՝ դիվանագիտական աղբյուրներն այդ որոշումը պատճառաբանել են այն հանգամանքով, որ «Իսլամական պետություն» ահաբեկչական խմբավորումը նախատեսում է Թուրքիայում ահաբեկչություններ իրականացնել Իսրայելի ու ՌԴ-ի քաղաքացիների նկատմամբ:
 

Ավելի վաղ հայտնի էր դարձել, որ թուրքական Գազիայնթապ նահանգում ԻՊ 10 զինյալ է ձերբակալվել, որոնք հարձակումներ էին պատրաստում Իսրայելի և ՌԴ-ի քաղաքացիների նկատմամբ:

Այդ սպառնալիքի պատճառով ավելի վաղ փակվել էին Գերմանիայի դիվանագիտական ներկայացուցչությունները Թուրքիայում:

Մարտի 13-ին խոշոր ահաբեկչություն էր տեղի ունեցել Անկարայում, որի հետևանքով զոհվել էր 37, վիրավորվել 125 մարդ: