Բելգիայում սպանվել է ԱԷԿ-ի անվտանգության աշխատակիցը, որը կարող էր ահաբեկիչների թիրախ լինել. ԶԼՄ-ներ

Բելգիայի Շառլերուա քաղաքում կրակելով սպանել են ԱԷԿ-ի անվտանգության ծառայության աշխատակցին: Այս մասին գրում է Derniere Heure թերթը:

Բացի դրանից՝ նշվում է, որ գողացել են անվտանգության աշխատակցի անցաթուղթը:

«Անվտանգության աշխատակցին սպանել են հինգշաբթի երեկոյան շան հետ շրջելու ժամանակ: Նրա անցաթուղթը գողացված է»,- գրում է պարբերականը:

Նշվում է, որ աղբյուրները ոստիկանությունում հաստատել են այդ տեղեկությունը:

Ավելի վաղ հաղորդվում էր, որ Բելգիայի ահաբեկիչների հիմնական թիրախը պետք է լինեին ատոմային էլեկտրակայանները, ոչ թե հասարակական տրանսպորտը: