Ռուսաստանում 5.6 մագնիտուդ ուժգնությամբ երկրաշարժ է տեղի ունեցել
10:18 , 26 մարտ, 2016
Tert.am-ը գրում է.
Սեյսմոլոգները 5.6 մագնիտուդ ուժգնությամբ երկրաշարժ են գրանցել Խաղաղ օվկիանոսում՝ Կամչատկայի ափերի մոտ։ Այդ մասին «Ինտերֆաքս» գործակալությանը հայտնել են Ռուսաստանի գիտությունների ակադեմիայի Երկրաֆիզիկայի ծառայության Կամչատկայի մասնաճյուղից։
«Սեյսմիկ ցնցումները գրանցվել են տեղի ժամանակով շաբաթ առավոտյան։ Էպիկենտրոնը գտնվել է 129 կմ խորությամբ՝ Կամչատկայի Պետրոպավլովսկից 109 կմ հարավ-արևելք»,- ասել է ծառայության ներկայացուցիչը։
«Զոհեր ու ավերածություններ չկան, ցունամիի վտանգի մասին չի հայտարարվել»,- ասել է Արտակարգ իրավիճակների նախարարության ներկայացուցիչը։