Համանախագահների կողմից հնչեցվող ցանկացած քննադատություն պետք է հասցեական լինի. Դավիթ Բաբայան

Tert.am-ը գրում է.

 

 

- Իհարկե, արվում են, արդեն 20 տարուց ավելի է տարվում են այդ աշխատանքները, մենք պետք է հասկանանք, որ դա շատ բարդ և երկարատև գործընթաց է, և մինչև վերջնական կարգավորումը պետք է առնվազն խաղաղություն ու կայունություն կարգավորվի, ապա վերականգնվի բանակցային լիարժեք ձևաչափը՝ Արցախի Հանրապետության մասնակցությամբ: Կողմերը պետք է պատրաստ լինեն փոխզիջման, իսկ Ադրբեջանի կողմից մենք այդպիսի քայլ չենք տեսնում: Իրենք փորձում են ամեն ինչ անել, բայց սա, նորից եմ կրկնում, երկարատև գործընթաց է:

 

 

-Մենք ուզում ենք, որպեսզի հասցեական լինի դատապարտումը, և ուշ թե շուտ դա լինելու է: Հասկանում ենք նաև, որ երևի այդպես են անում, որպեսզի էլ ավելի չբարդացնեն իրավիճակը, բայց համոզված եմ, որ բոլորն էլ քաջ տեղյակ են, թե ով է այս հարցում հիմնական պատասխանատուն:

 

-Օրերս ԵԱՀԿ գործող նախագահի անձնական ներկայացուցիչ Անջեյ Կասպշիկը կողմերին կոչ է արել Նովրուզ Բայրամի և Զատկի տոներին խստագույնս պահպանել հրադադարի ռեժիմը:
 

- Ողջունում ենք այդպիսի կոչը: Ի դեպ, դա պաշտոնական Ստեփանակերտի առաջարկն էր, որ արվել էր մի քանի տարի առաջ. ստեղծել կամ ունենալ հանգստյան օրեր, որոնք կարող են լինել հոգևոր տոներ, ազգային, միջազգային տոներ, երբ գոնե չկրակեն, գոնե հրադադարի ռեժիմը չխախտեն: Նրանք ընդունել են այս առաջարկը, ողջունել են, մենք կարծում ենք, որ սա ճիշտ մեսիջ է, և պետք է աշխատել, որպեսզի զինադադարը պահպանվի այդ օրերին:

 

 

-Միգուցե նաև քննարկվի ղարաբաղյան հարցը, մենք ողջունում ենք ցանկացած այդպիսի քննարկում, որը հարցի խաղաղ կարգավորմանն է ուղղված: Դրա համար առանձնակի սպասելիքներ էլ չունենք, առանձնակի մտահոգություններ էլ չունենք: