Ձեր շան անունը ձեր գաղտնաբառը չպետք է լինի. ՏՏ փորձագետ

Panorama.am-ը գրում է.

Ոչ մի արտառոց բան չկա, որ ԱԱԾ-ն վերահսկում է սոցիալական ցանցերում քաղաքացիների հաշիվները: Այդ մասին այսօր լրագրողների հետ ճեպազրույցում հայտարարեց տեղեկատվական անվտանգության փորձագետ Սամվել Մարտիրոսյանը:

«Իհարկե, մենք մտքում կարող ենք ասել՝ հնարավոր է, որ վերահսկում է, բայց այդ մասին ոչ մի փաստ չկա: Օրինակ, հեռախոսների պարագայում կան մի քանի գործոններ, որոնց առկայության պարագայում կարող ենք հասկանալ, որ հեռախոսը գաղտնալսվում է, բայց չաթերի դեպքում, չունենք նման բան», -հավելեց Մարտիրոսյանը:

Հիշեցնելով Սնոուդենին, փորձագետն ասաց, որ շատ կապի միջոցներ վերահսկվում են ամերիկյան իշխանությունների կողմից, ռուսական կապի միջոցները՝ Ռուսաստանի Գաղտնի ծառայությունների կողմից: Ինչ վերաբերում է հայաստանցի օգտատերերին, Մարտիրոսյանը խորհուրդ տվեց գաղտնի չշփվել սոցիալական ցանցերում:

«Գոյություն ունեն հատուկ ծրագրեր, որոնք թույլ են տալիս վստահելի ու պաշտպանված նամակագրություն իրականացնել: Օրինակ՝ Signal ծառայությունը, որի վերաբերյալ ոչ մի փաստ չկա, թե հասանելի է գաղտնի ծառայություններին: Հենց Սնոուդենը այդ ծրագրից է օգտվել», -նշեց նա:

Ամբողջական հոդվածը կարող եք կարդալ այստեղ