Բրյուսելյան պայթյուններից հայ որևէ տուժողի կամ զոհի մասին Բելգիայի իշխանությունները չեն հաղորդել. ՀՀ դեսպանատուն

Tert.am-ը գրում է.

Բելգիայում իրականացրած պայթյունների հետևանքով այս պահի դրությամբ չկա որևէ հայ կամ ՀՀ քաղաքացի տուժող կամ զոհ: Tert.am-ի հետ զրույցում հայտնեցին Բելգիայում ՀՀ դեսպանատան «Թեժ գծից»։

Նշենք, որ Բելգիայի հայ համայնքից Պետո Դեմիրճյանը ասել էր, թե խոսակցություններ կան, որ մեկ հայ երիտասարդ է կորել: Դեսպանատնից այս առնչությամբ հայտնեցին.« Երեկ մենք ստացել ենք երկու հայ քաղաքացու կորած լինելու մասին զանգ իրենց հարազատներից, սակայն երկուսի դեպքում էլ հետագայում տեղեկությունները հերքվեցին և նրանք գտնվեցին»: 

Հիշեցնենք, որ Բրյուսելի օդանավակայանը դեռ չի աշխատում: Հարցին, թե ինչ է լինելու այն քաղաքացիների հետ, որոնք երեկ և այսօր պետք է թռչեին Բրյուսելից: Դեսպանատնից  այս առնչությամբ հայտնեցին, որ արդեն իսկ կոչ են արել դիմել այն ավիաուղիներին, որոնց տոմսերը ձեռք են բեռնված: Վերջիններս էլ կամ հետադարձի գումարը կվերադարձնեն կամ այլ ժամկետներով թռիչքներ կառաջարկեն: