Դեսպանատունը ճշտում է՝ զոհերի և վիրավորների թվում կա՞ն ՀՀ քաղաքացիներ կամ հայազգի անձինք. Բելգիայում ՀՀ դեսպան

Panorama.am-ը գրում է.

Բելգիայում Հայաստանի դեսպանատունը բելգիական կողմի հետ ճշտում է, թե արդյոք զոհերի և վիրավորների շրջանում կա՞ն ՀՀ քաղաքացիներ կամ հայազգի անձինք: Այդ մասին այսօր Panorama.am-ին տեղեկացրեց Բելգիայի Թագավորությունում ՀՀ դեսպան, Եվրոպական միությունում ՀՀ առաքելության ղեկավար Թաթուլ Մարգարյանը՝ մեկնաբանելով ահաբեկչությունից հետո Բրյուսելում ստեղծված վիճակը:

«Բելգիայում այսօր տեղի ունեցած ահաբեկչության հետևանքով հայտարարված է արտակարգ իրավիճակի բարձրագույն աստիճան: Դադարեցվել է օդանավակայանի, մետրոյի և հասարակական այլ տրանսպորտների աշխատանքը», -ներկայացրեց դեսպանը:

Նրա խոսքով, Բրյուսելում Հայաստանի Հանրապետության դիվանագիտական առաքելությունների անձնակազմն ու այնտեղ գտնվող ԱԺ պատվիրակության անդամներն ապահով են ու շարունակում են իրենց գործունեությունը:

Ամբողջական հոդվածը կարող եք կարդալ այստեղ