Մահապարտ ահաբեկիչը Ստամբուլում իր համար թիրախ էր ընտրել իսրայելցի զբոսաշրջիկներին. ԶԼՄ-ներ

Haberturk-ի փոխանցմամբ՝ թուրքական ոստիկանությունը ստացել է Ստամբուլում իրականացված վերջին ահաբեկչության տեղանքի տեսախցիկների տվյալները։ Դրանք վկայել են, որ մահապարտ ահաբեկիչը հարձակումը պլանավորել է իսրայելցի զբոսաշրջիկների դեմ՝ նրանց հետևելով այն ժամանակ, երբ նրանք դուրս են եկել հյուրանոցից։

Ոստիկանությունում լրատվամիջոցի աղբյուրը հայտնել է, որ ահաբեկիչ Մեհմեթ Օզթյուրքը Բեշիքթաշի շրջանում սկսել է հետևել է իսրայելցիներին, ուր եղել է նրանց հյուրանոցը, և նրանց սկսել է սպասել Իսթիքլյալ պողոտայում, ուր նրանք նախաճաշել են։

Երբ իսրայելցիները դուրս են եկել ռեստորանից, ահաբեկիչը մոտեցել է նրանց և պայթեցրել է իրեն։ Դրա հետևանքով զոհվել է 5 և վիրավորվել է 36 մարդ։ Թուրքիայի ՆԳՆ-ն հայտնել է, որ Օզթյուրքը կապված է ԴԱԻՇ-ի հետ։