Երևանում և միջպետական նշանակության ավտոճանապարհին մարտի 21-ից կգործարկվեն նոր տեղադրված արագաչափ սարքեր


11:14 , 21 մարտ, 2016

Tert.am-ը գրում է.

Ճանապարհային ոստիկանությունը տեղեկացնում է, որ շարունակվում են երթևեկության նկատմամբ վերահսկողության, իրավախախտումների արձանագրման տեսախցիկների և արագաչափ սարքերի տեղադրման աշխատանքները:Այս մասին տեղեկանում ենք ՀՀ ոստիկանության մամուլի ծառայությունից։

 

Մասնավորապես, 2016 թվականի մարտի 21-ից գործարկվելու են հետևյալ վայրերում տեղադրված արագաչափ սարքերը.

• Երևան քաղաքի Դավիթ Բեկի փողոց՝ 1 արագաչափ՝ Դավիթ Բեկ-Հունան Ավետիսյան փողոցների խաչմերուկից Դավիթ-Բեկ-Միկոյան փողոցների խաչմերուկի ուղղությամբ, որտեղ երթևեկության թույլատրելի արագությունը 60 կմ/ժ է:

• Մ-5 «Երևան-Արմավիր-Թուրքիայի սահման» միջպետական նշանակության ավտոճանապարհի 11-րդ կմ՝ Մ-5 և Փարաքար համայնքի Ջիվանու փողոցի խաչմերուկի հատված՝ 2 արագաչափ, որտեղ երթևեկության թույլատրելի արագությունը 60 կմ/ժ է:


Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները: