Բրայդան չի բացառում Պոգբայի` «Բարսելոնա» տեղափոխությունը

«Բարսելոնա»-ի տրանսֆերային հանձնաժողովի անդամ Արիեդո Բրայդան իր կարծիքն է հայտնել Թուրինի «Յուվենտուս»-ի կիսապաշտպան Պոլ Պոգբայի ապագայի վերաբերյալ:

Ֆուտբոլիստի ծառայություններով հետաքրքրված են եվրոպական բազմաթիվ գրանդեր, իսկ Բրայդան չի բացառում, որ կիսապաշտպանը կարող է կատալոնական ակումբ տեղափոխվել:

«Պոգբան անշուշտ կտեղափոխվի եվրոպական որևէ գրանդ, չնայած արդեն խաղում է այդպիսի թիմում: Եթե նա լքի «Յուվենտուս»-ը, ապա, կարծում եմ, կտեղափոխվի «Բարսելոնա», ՊՍԺ կամ«Մանչեսթեր Սիթի»,- AS-ը մեջբերում է Բրայդայի խոսքերը:

Հիշեցնենք, որ ավելի վաղ տարածված տեղեկությունների համաձայն` Պոգբայի ծառայություններով է հետաքրքրված Մադրիդի «Ռեալ»-ի գլխավոր մարզիչ Զինեդին Զիդանը: