Հակականցերոգեն, հակաալերգիկ հզոր ըմպելիք

168.am-ը գրում է.

Կտավատի սերմերը լիգնանների ամենահարուստ աղբյուր են, որոնք ունեն հակականցերոգեն, հակաալերգիկ, ինչպես նաև՝ հզոր հակաօքիդանտ կարողություններ: Կտավատի սերմերը հարուստ են հանքանյութերով, հատկապես՝ կալիումով:

Կտավատի սերմերը նաև հզոր հակապարազիտային մթերք են: Դրա թուրմը սպանում է սնկերն ու հեպատիտի վիրուսը:

Կտավատի սերմերը հարուստ են յուղերով, պրոտեիններով, բջջանյութով: Պրոտեինները հարուստ են ամինաթթուներով:

Բաղադրություն

• Քառորդ բաժակ կտավատի սերմեր
• 6 բաժակ ջուր
• 5 առանց կորիզի խուրմա
• 2 թ/գ վանիլի մզվածք
• Համեմունքներ՝ ձեր ընտրությամբ. դարչին, մշկընկույզ, կոճապղպեղ, մեխակ

Կտավատի սերմերը լցրեք բլենդերի մեջ, ավելացրեք ջուրը: 1 րոպե հարեք: Մի քանի անգամ անցկացրեք թանզիֆով (марля): Ստացված կաթը լցրեք կրկին բլենդերի մեջ, ավելացրեք խուրման, վանիլն ու համեմունքները:

2 րոպե լավ հարեք:

Այս հյութը կարելի է պահել սառնարանում 3-5 օր: Օգտագործելուց առաջ կաթը թափահարեք: