ՊՍՎ-ի երկրպագուները Մադրիդում ծաղրել են աղքատներին

Tert.am-ը գրում է.

Ֆուտբոլային աշխարհը հերթական անգամ դարձել է երկրպագուների դաժանության ու անմարդկային վերաբերմունքի վկան: Այս անգամ «աչքի են ընկել» հոլանդական ՊՍՎ-ի երկրպագուները, որոնց թիմը Չեմպիոնների լիգայի 1/8 եզրափակչում արտագնա հանդիպում էր անցկացնում Մադրիդի «Ատլետիկոյի» հետ,- տեղեկացնում է «AS»-ը:

Ժամանելով Իսպանիայի մայրաքաղաք՝ հոլանդական ակումբի երկրպագուները ծաղրել են Պլասա Մայոր հրապարակում գտնվող աղքատներին:

Նրանք գարեջուր էին խմում, մետաղադրամներ նետում աղքատների վրա, երգեր կատարում, ծաղրում մարդկանց ու նկարահանում այդ ամենը:

Հիշեցնենք, որ «Ատլետիկոն» հետխաղյա 11 մետրանոց հարվածաշարի միջոցով նվաճել էր քառորդ եզրափակչի ուղեգիր: