Գերմանիայի ոստիկանությունը ստուգում է Բեռլինում մեքենայի պայթեցմանը «ռուսական մաֆիայի» ներգրավվածությունը

Tert.am-ը գրում է.

Բեռլինի ոստիկանությունից հայտնել են, որ նախօրեին Գերմանիայի մայրաքաղաքում ավտոմեքենայի պայթեցման մի քանի վարկածներ կան, հաղորդում է Berliner-zeitung-ը:

Պայթյունին կարող են ներգրավված լինել «խոշոր հանցավոր խմբեր, բայկերների բանդաներ կամ «ռուսական մաֆիան»»:

Պայթյունը տեղի է ունեցել Շարլոտենբուրգում: Վարորդը՝ Բեռլինում բնակվող թուրքական ծագմամբ 43-ամյա տղամարդը, մահացել է:

Ոստիկանությունից հայտնել են, որ հանցագործի հետախուզումն իրականացվում է սպանվածի շրջապատում:

Հաղորդվում է նաև, որ մահացածը կասկածվում էր մի շարք հանցագործությունների իրականացման համար և ներգրավված էր թմրանյութերի վաճառքի, կեղծ փողերի պատրաստման հետ կապված մի քանի գործերում:

Հիշեցնենք, որ Բեռլինի կենտրոնում մեքենայի պայթյունը տեղի է ունեցել երեքշաբթի օրը՝ մարտի 15-ի առավոտյան: