Եմենում կոալիցիայի օդուժի հարձակման հետևանքով զոհվել է ավելի քան 100 մարդ
16:36 , 16 մարտ, 2016
Ավելի քան 100 մարդ է զոհվել Եմենի Մուստաբա քաղաքի վրա արաբական կոալիցիայի երկու հարձակումների հետևանքով։ Այս մասին հայտնում է SABA գործակալությունը՝ հղում անելով Հաջա նահանգի խորհրդի ներկայացուցչին։
Նրա տվյալներով՝ քաղաքային շուկայի վրա Սաուդյան Արաբիայի գլխավորած կոալիցիայի վրա հարձակման հետևանքով սպանվել է 107 մարդ, մի քանի տասնյակ մարդիկ վնասվածքներ են ստացել։
Երեքշաբթի կոալիցիայի ինքնաթիռները երկու ավիահարված էին հասցրել Մուստաբայի կենտրոնական մասին։ Նշվում է, որ տուժածների սպասարկման հետ կապված իրավիճակը բարդացնում է տեղի հիվանդանոցներում դեղորայքի սղությունը։