«Ժողովուրդ». Աժ անվտանգությունը դարձյալ հին ռեժիմով Է իրականացվում՝ առանց ինքնաձիգերի

«Երեկ «Ժողովուրդ»–ի թղթակիցը նկատել Է, որ ՀՀ Աժ անվտանգությունը դարձյալ հին ռեժիմով Է իրականացվում։ Հիշեցնենք, որ 2015 թվականի հոկտեմբերի վերջից Աժ անվտանգությունն ապահովող աշխատակիցներն իրենց ծառայությունն իրականացնում էին ինքնաձիգներով, ինչը սովորական երևույթ չէր։ Նրանք միայն ատրճանակ էին ունենում: Ավելի ուշ պարզվեց, որ դա կապ ուներ Նորք-Մարաշում վնասազերծված «հանցախմբի» հետ։ Կարելի է ենթադրել՝ իրավապահներն այլևս համոզված են, որ «հանցավոր» խմբի հետ կապված բոլոր դրվագները բացահայտված են, իսկ այդ գործի հետ առնչություն ունեցողներն էլ կալանավորված։ Դրա համար էլ Աժ-ի անվտանգության աշխատակիցները կրկին առանց ինքնաձիգների են ծառայություն իրականացնում»,–գրում է թերթը։

Մանրամասները՝ թերթի այսօրվա համարում։