Չեմ տեսնում գործոնները, թե ինչով Հայաստանը կարող է գրավիչ լինել փախստականների համար. Աղասի Ենոքյան

«Հայաստան հիմնականում գալիս են սիրիահայ փախստականները: Շատ քիչ են էթնիկապես ոչ հայ փախստականները: Այս առումով Հայաստանում իրավիճակը մի քիչ այլ է եվրոպական մյուս պետություններից: Ես չեմ տեսնում գործոնները, թե ինչով Հայաստանը կարող է գրավիչ լինել փախստականների համար: Նույնիսկ այստեղ եկած սիրիահայերի նշանակալի մասն արտագաղթում է: Այնպես որ, կարծում եմ, որ հարցն ավելի լուրջ ուսումնասիրության կարիք ունի»,- նշեց Ենոքյանը:

Քաղաքագետը նկատեց, որ, գուցե, ֆիզիկական առումով Հայաստանը փախստականների համար ապահով է, քանի որ ռազմական գործողություններ չեն ընթանում, պատերազմ չկա, բայց բնակություն հաստատելու, բիզնեսով զբաղվելու համար, ինչպես ցույց է տվել կենսափորձը, ՀՀ-ն լավագույններից չէ. կան շատ դժվարություններ: