Ավստրալիայում հայտնաբերել են սարդ, որը ձուկ և դոդոշ է ուտում

Բրիսբենի համաշխարհային գիտական փառատոնում կենսաբանները հանրությանը ցուցադրել են ջրային սարդի նոր Dolomedes briangreenei տեսակը, հայտնում է gazeta.ru-ն:

Այդ սարդերը համարվում են Քվինսլենդ նահանգի էնդեմիկ (տեղական) տեսակներ: Նրանք առանձնանում են նրանով, որ որս են անում ջրի մակերևույթի տատանումների շնորհիվ: Թանգարանի սարդաբան Ռոբերտ Ռեյվենը պարզաբանել է, որ սարդը որսը բռնում է և նրան խեղդում: Նա կարող է նստել ջրի տակ մեկ ժամ և որսալ զոհին, որի չափերը երեք անգամ գերազանցում է իր սեփականին:

Հայտնաբերված սարդի չափը կարող է հասնել մարդու ափի մեծության: Սակայն, մարդկանց համար նրանք ոչ մի վտանգ չեն ներկայացնում: