Թունիսցի զինվորները շոկային «սելֆիներ» են արել սպանված իսլամիստների ֆոնին (լուսանկարներ)

Tert.am–ը գրում է.

Թունիսցի զինվորները հրապարակել են սկանդալային «սելֆիներ», որոնք արել են «Իսլամական պետություն» ահաբեկչական խմբավորման սպանված գրոհայինների ֆոնին:

Ինչպես հայտնում է Al Arabiya-ն, լուսանկարները, հայտնվելով համացանցում, բուռն քննադատությունների առիթ են դարձել։ 

Աղբյուրը նկատում է, որ սպանվածների հետ արված լուսանկարներն ամենայն մանրամասնությամբ ի ցույց են դնում գրոհայինների ստացած բազմաթիվ մարմնական վնասվածքները:

Իսկ որոշ թունիսցի զինվորներ ավելի հեռուն են գնացել, ու այդ «սելֆիները» տպել են վերնաշապիկների վրա` այդպիսով պարծենալով ԻՊ-ի անդամների նկատմամբ իրենց տարած հաղթանակով: