ՀՀ ԶՈւ վերաբերյալ տվյալների հրապարակումը ռուսական մամուլում կոռեկտ քայլ չէր ռազմավարական դաշնակցի հանդեպ. ռուս ռազմական փորձագետ

Tert.am-ը գրում է.

Tert.am-ի հետ զրույցում ՌԴ Ռազմական կանխատեսման կենտրոնի տնօրեն, ռուսաստանցի ռազմական փորձագետ Անատոլի Ցիգանոկը, անդրադառնալով ՌԴ «Ռազմաարդյունաբերական սուրհանդակ»-ի փորձագետ Ալեքսանդր Խրամչիխինը «Ֆորպոստ՝ մի շարք հարցերով...» վերնագրով հոդվածում հրապարակված՝ հայկական զինված ուժերի վերաբերյալ մի շարք տվյալներին, նկատեց, որ սա կոռեկտ քայլ չէր ռազմավարական դաշնակցի հանդեպ: Ավելին, ըստ նրա, սա նշանակում է՝ թքել հայ-ռուսական համագործակցության վրա: Միևնույն ժամանակ, Անատոլի Ցիգանոկը հավանական համարեց, որ Ալեքսանդր Խրամչիխինը օգտվել է Խաղաղության հիմնահարցերի Ստոկհոլմի միջազգային ինստիտուտի (SIPRI) տվյալներից:

 

 

-Կարծում եմ, որ Ալեքսանդր Խրամչիխինը, իրոք, խախտել է Ռուսաստանի ու Հայաստանի միջև առկա որոշ չհանրայնացված պայմանավորվածություններ: Ամեն դեպքում, ոչ մասնագիտական, այլ շարքային լսարանի համար նախատեսված մամուլում տպագրել Լեռնային Ղարաբաղի Զինված ուժերի վիճակի մասին տեղեկությունը, ըստ իս, կոռեկտ չէ: Եվ ես ամբողջովին համամիտ եմ հայաստանյան փորձագետների հետ այդ հարցում: Բանն այն է, որ ինքս էլ բավականաչափ լավ գիտեմ հայկական բանակը`15 տարուց ավելի զբաղվելով Կովկասով, շատ լավ գիտեմ, թե որտեղ են գտնվում բանակային կորպուսները, բայց ես, համենայն դեպս, բաց մամուլում երբեք նման բան չէի հրապարակի: Եվ կարծում եմ, որ սրանով նա ուղղակի թքեց Հայաստանի հետ համագործակցության ուղղությամբ:

 

 

-Չգիտեմ, բայց կարծում եմ, որ ՀԱՊԿ-ում պետք է բարձրացվի հարցը, թե ինչ հիմքերով են Լեռնային Ղարաբաղին վերաբերող գաղտնի տեղեկությունները հայտնվել բաց մամուլում: Իսկ, առհասարակ, վերլուծելով իրավիճակը, որ իբր ադրբեջանական զինված ուժերը խախտել են 120 անգամ, իսկ դուք՝ 121 անգամ, այստեղ էլ կան խորամանկության որոշակի տարրեր: Ինչպես այդ դեպքում հասկանալ, որ Ադրբեջանը Ռուսաստանից գնել է 4 միլիարդ դոլարի սպառազինություն... Միայն պատկերացրեք՝ սա ավելին է, քան բոլորի ռազմական բյուջեները: Բայց ես, օրինակ, կարող եմ ասել, Ռուսաստանը, որ Հայաստանին մատակարարում է ռազմական նոր տեխնիկա և վաճառում Ադրբեջանին, ապա պահպանում է մոտավորապես նույն պարիտետը երկրների համար:

 

-Հենց Ռուսաստանում չպե՞տք է անցկացվի հետաքննություն, թե ինչպես են այդ տվյալները հայտնվել Խրամչիխինի մոտ: Ի՞նչ եք կարծում՝ այդ հրապարակումը եղել է առանց ինչ-ինչ ռազմական շրջանակների իմացությա՞ն:
 

-Ես կարծում եմ, որ Ալեքսանդր Խրամչիխինը օգտվել է Խաղաղության հիմնահարցերի Ստոկհոլմի միջազգային ինստիտուտի (SIPRI) փաստաթղթերից, որոնցում բոլոր երկրների վերաբերյալ ամենամյա տվյալներ կան: Երևի Խրամչիխինը, լավ իմանալով անգլերեն, հրապարակել է այն, ինչ վերաբերում է Լեռնային Ղարաբաղին ու Հայաստանին: Եվ ես կարծում եմ, որ Հայաստանի Պաշտպանության նախարարությունը ունի հնարավորություն դա պարզելու: Ամեն դեպքում, կրկնում եմ, սա արդեն հրապարակայնացված էր:
 

-Սա պարզ համընկնո՞ւմ էր, որ տվյալները հրապարակվեցին Նախագահ Սերժ Սարգսյանի` ՌԴ կատարած աշխատանքային այցի նախօրեին:
 

- Սա պարզ համընկնում է, ես այդպես եմ կարծում: Բանն այն է, որ Ալեքսանդր Խրամչիխինը վերջին 20 տարիներին մշտապես հրապարակում է բոլոր մեր հարևան երկրների սպառազինությունները՝ լինելով հենց այդ գծով մասնագետ. Իսրայել, Վրաստան, Պակիստան, Հնդկաստան…

 

-Իսկ Ադրբեջանի՞:
 

-Այո և եթե չեմ սխալվում` «Հարավային Կովկասի պետությունները» հոդվածում: Ավելի վաղ նա հրապարակել էր Սիրայի ողջ խմբավորումները...
 

-Իսկ Ադրբեջանը չէ՞ր բողոքել, աղմուկ բարձրացրել:
 

-Կրկնում եմ՝ սա հրապարակայնացված տեղեկատվություն է, ուղղակի կարծում եմ` և՛ Վրաստանում, և՛ Ադրբեջանում, և՛ Հայաստանում անգլերենին այնքան էլ լավ չեն տիրապետում:

 

-Եթե ամփոփելու լինենք այն, ինչ ասացիք, հիմա այդ Հայաստանի մասին տվյալները` պետական գաղտնի՞ք են, թե ոչ:
 

-Պետական գաղտնիք չեն, քանի որ այդ տարեգրքում բոլոր այդ տվյալները ներկայացված են: