Ֆրանսիան հետաքննություն է սկսել Volkswagen-ի նկատմամբ

Ֆրանսիայի իշխանությունները հետաքննություն են սկսել Volkswagen գերմանական ավտոկոնցեռնի նկատմամբ:

Ինչպես հայտնում է Gazeta.ru-ն` ֆրանսիական Linternaute-ին հղումով, երկրի դատախազը հայտարարել է, որ մեքենաշինական ընկերությունը կասկածվում է ծանրացուցիչ հանգամանքներով խարդախության մեջ:

Փետրվարի սկզբին հայտնի էր դարձել, որ Volkswagen-ը հետաձգում է տարեկան հաշվետվության հրապարակումը` «դիզելային սկանդալով» պայմանավորված:

Հաղորդվում էր նաև, որ 2016-ի սկզբին ԱՄՆ արդարադատության նախարարությունը դատական հայց էր ներկայացրել՝ ընդդեմ Volkswagen-ի: