Թուրքիայի տարածք են ընկել Սիրիայից արձակված 3 հրթիռներ. կա զոհ
17:40 , 8 մարտ, 2016
Թուրքական Son dakika լրատվական կայքի փոխանցմամբ՝ Սիրիային սահմանակից Թուրքիայի Քիլիս նահանգի տարածք է ընկել 3 հրթիռ, որոնք արձակվել են Սիրիայի տարածքից։ Հրթիռներից մեկը դիպել է բնակելի տանը, զոհվել է 1 մարդ։
Կան նաև վիրավորներ, որոնց տեղափոխել են հիվանդանոց։ Պայթյունը խուճապ է առաջացրել տեղաբնակների շրջանում։ Մնացյալ երկուսն ընկել են ամայի տարածքներում։ Միջադեպը գրանցվել է այսօր՝ ժամը 14.00-ին։