Ռուսաստանում ուկրաինական ֆիլմերը չեն արգելվի
19:06 , 25 դեկտեմբեր, 2015
Araratnews.am-ը գրում է.
ՌԴ մշակույթի նախարար Վլադիմիր Մեդինսկին հայտարարել է, որ իր ղեկավարած գերատեսչությունը Ռուսաստանում չի արգելի ուկրաինական ֆիլմերը ի պատասխան Ուկրաինայի իշխանությունների նմանատիպ որոշման, հաղորդում է Interfaks-ը:
«Մենք խելագար չենք: Մենք զբաղվում ենք ֆիլմեր արտադրելով, այլ ոչ թե ուրիշների ֆիլմերն արգելելով: Մեր ուկրաինացի գործընկերներին խորհուրդ կտամ անել նույնը. այս ամենն անգործությունից է»,- ասել է նա:
Հիշեցնենք, որ դեկտեմբերի 24-ին Ուկրաինայի Մշակույթի նախարարությունը հրապարակել է ռուսաստանցի ռեժիսորների և դերասանների ցուցակ, որոնց մասնակցությամբ ֆիլմերը երկրում արգելվում են: