Հավի մսով ռուլետ
16:09 , 25 դեկտեմբեր, 2015Բաղադրիչներ
- հավի ֆիլե - 500 գր
- սոխ - 150 գր
- սունկ շամպինիոն - 300 գր
- բուսայուղ
- աղ
- պղպեղ սև
Պատրաստման եղանակ
- Սոխը մանր կտրատում ենք։ Սունկը մաքրում ենք և մանր կտրատում։ Սոխը տապակում ենք բուսայուղի մեջ։ Ավելացնում ենք սունկը, աղով համեմում և տապակում այնքան ժամանակ, մինչև ջուրն ամբողջությամբ գոլորշանա։
- Ֆիլեն կողքից բացում ենք (բայց ոչ մինչև վերջ), որպեսզի գրպան ստանանք։
Սունկը լցոնում ենք այդ գրպանի մեջ։ Այնուհետև ֆիլեի բաց մասը չոփիկներով ամրացնում ենք։ Ֆիլեն աղով և պղպեղով համեմում ենք ու տապակում բուսայուղի մեջ յուրաքանչյուր կողմից 10 րոպե։
- Ահա և մեր ուտեստը պատրաստ է:
Հավի կրծքամսի փոխարեն կարող ենք հնդկահավի միս օգտագործել։ Որպես խավարտ կարող ենք պատրաստել կարտոֆիլով խյուս կամ հնդկաձավար: