ԱՊՀ երկրների պաշտպանության նախարարությունների խորհուրդը հաստատել է սակրավորների ստորաբաժանման ստեղծումը

Araratnews.am-ը գրում է.

ԱՊՀ երկրների պաշտպանության նախարարությունների խորհուրդը հաստատել է հումանիտար ականազերծման համատեղ ինժեներական ստորաբաժանման ձեւավորման հիմքերը: Այս մասին հայտնել է ՌԴ պաշտպանության նախարար Սերգեյ Շոյգուն՝ ամփոփելով խորհրդի նիստը:

Նրա խոսքով՝ հետագա զարգացումը ստացել է ԱՊՀ երկրների ինժեներեկան զորքերի համագործակցությունը:

«Հաստատվել են հումանիտար ականազերծման համատեղ ինժեներական ստորաբաժանման ձեւավորման կազմակերպչական եւ իրավական հիմքերը: Հումանիտար ականազերծումը  բնակչության անվտանգության ապահովման համար որոշակի տարածնքեր պայթուցիկ սարքերից մաքրելու միջազգային գործողությունների իրականացում է»,- ասել է նա, փոխանցում է «ՌԻԱ Նովոստի»-ն:

Շոյգուն նշել է, որ նիստի ընթացքում մեծ ուշադրություն է դարձվել ռազմական կադրերի նախապատրաստմանն ու կրթության ոլորտում համագործակցության զարգացմանը: