Ի՞նչ է կատարվում «Միսս տիեզերքի» հետ. մրցույթի մասնակիցների տարօրինակ ազգային կոստյումները ցնցել են հանդիսատեսին

Երբ 1952թ.-ին «Միսս Տիեզերք» մրցույթում հաղթեց միսս Ֆինլանդիա Արմի Կուսելան, նա իսկական կարելյան հագուստ էր կրում՝ երկարաթև բլուզով ու ծնկներին հասնող երկարություն ունեցող կիսաշրջազգեստով, որը խորհրդանշում էր նրա ֆիննական ժառանգությունը։

Այս տարի Միսս Ֆինլանդիա Ռոսա-Մարիա Ռիտին բեմում հայտնվեց մերկ ոտքերին գոտիներ փաթաթած երկար բարձրակրունկ կոշիկներով, ոսկեգույն բիկինիով ու «Victoria՛s Secret»-ին նմանակող թիկնոցով, և նրա տեսքը ոչ մի կերպ չէր հուշում, թե որ երկիրն է նա ներկայացնում։

Կիրակի օրը Լաս Վեգասում տեղի ունեցած «Միսս Տիեզերք» մրցույթի ամենահետաքրքիր մասը, թերևս, գեղեցկուհիների՝ ազգային հագուստով ներկայանալու մասն էր, որտեղ նրանք հնարավորություն ունեին իրենց զգեստով ներկայացնել ազգային խորհրդանիշները՝ դրոշ, ծաղիկ և այլն։

Այս տարվա ամենաուշագրավ ազգային կերպարները ներկայացրել են Միսս Հունգարիան, ով Ռուբիկ խորանարդի կոստյումով էր ներկայացրել (Ռուբիկ խորանարդի գյուտարար Էռնո Ռուբիկն այս երկրից էր) և Միսս Թաիլանդը, ով ներկայացավ «տուկ-տուկով»՝ գլխին ամրացրած լապտերով։

Ահա երեկ տեղի ունեցած «Միսս աշխարհ» գեղեցկության մրցույթի մասնակիցների մի քանի կերպարներ։