Կանաչ «ռումբ»՝ ճարպերի դեմ

168.am–ը գրում է.

Ձմռան տոներին բոլորս էլ գայթակղվում ենք հարուստ և լեցուն սեղաններով: Սա հենց այն ժամանակահատվածն է, երբ օրգանիզմին ամենաշատն է անհրաժեշտ որևէ բնական միջոց, որը կօգնի մարսել բոլոր համեղ կերակուրներն ու թույլ չի տա այդ կերակուրներին՝ ճարպի տեսքով «կուտակվել» մեր որովայնի հատվածում:

Ձեզ ենք ներկայացնում կանաչ ռումբ կոչվող ըմպելիքը, որն այս հարցում լավագույնս կօգնի ձեզ:

• 1 սառած բանան
• 1 ճ/գ աղացած կոճապղպեղ
• 2 ճ/գ աղացած կտավատի սերմեր
• 1 բաժակ սառեցրած հապալաս
• Կես բաժակ սպանախ
• Սառույցի կտորներ

Բոլոր բաղադրիչները լցրեք բլենդերի մեջ, լավ հարեք: Առավոտյան՝ դատարկ ստամոքսին, խմեք այս հյութը:

Այն հրաշալի կերպով պայքարում է օրգանիզմի ավելորդ ճարպերի դեմ: Այս բաղադրատոմսից օգտված մարդկանց մեծ մասը փաստում է, որ այն օգնում է մի քանի օրվա ընթացքում ազատվել մի քանի կիլոգրամներից:

Այս հյութի բոլոր բաղադրիչների մասին բազմիցս խոսել ենք մեր նախորդ հրապարակումներում:

Բանանը, օրինակ, մեծ քանակությամբ կալիում, հակաօքսիդանտներ և մանրաթելեր է պարունակում, ահա թե ինչու է այս միրգը լավացնում մարսողությունն ու օգնում օրգանիզմից դուրս բերել ավելորդ տոքսինները: